print preview
 English
back CATULLUS

XL

Quaenam te mala mens, miselle Ravide,
agit praecipitem in meos iambos?
quis deus tibi non bene advocatus
vecordem parat excitare rixam?
an ut pervenias in ora vulgi?
quid vis? qualubet esse notus optas?
eris, quandoquidem meos amores
cum longa voluisti amare poena.    

---

   Contributor’s notes: Catullus
   Contributor’s notes: Len Krisak

   XXXIX
   XL

return to top